Qadın voleybolçulardan ibarət Polşa millisinin baş məşqçisinin adına aydınlıq gəlib.
Korner.az-ın məlumatına görə, Bakı-2015-də Azərbaycanla eyni qrupda yer alan komanda Yantsek Navrotskiyə həvalə olunub.
O, fevralda millidən ayrılan Pyotr Makovskini əvəzləyib.
Navrotski təqdimatından sonra bildirib ki, ilk hədəfi Rio-2016-ya lisenziya qazanmaq, həmçinin Avropa çempionatında və Avropa Oyunlarında uğurlu çıxışdı.
Qeyd edək ki, 49 yaşlı mütəxəssis bu posta 5 italiyalı, 3 polşalı, 2 braziliyalı, habelə, Argentina, Çin, Almaniya, Rusiya, Serbiya və ABŞ-dan olan namizədlər arasından seçilib. O, 2011-ci ildə kişilərdən ibarət əsas komandaya dəvət edilsə də, “Belçatov”da işləməyi üstün tutmuşdu.