Pley-off mərhələsinin təqvimi açıqlandı
21.04.2023 , 16:40
Futzal üzrə Yüksək Liqada 2022-2023-cü il mövsümünün pley-off mərhələsinin və final matçının təqvimi müəyyənləşib.
Korner.az xəbər verir ki, əsasnaməyə görə, əsas mərhələni ilk “4-lük”də başa vuran komandalar mübarizəni pley-off-da davam etdirəcək. Birinci pillənin sahibi 4-cü, ikinci yeri tutan komanda isə özündən sonrakı pillədə yer alan kollektivlə üz-üzə gələcək.
Bu mərhələdə 2 qələbə qazanan komandalar finalda gücünü sınayacaq. Məğlublar isə bürünc medalçının adını müəyyənləşdirəcək. Onu da qeyd edək ki, pley-off mərhələsində oyunlar zamanı əsas vaxt heç-heçə başa çatarsa, komandalar hər biri 5 dəqiqədən ibarət daha iki hissədə mübarizə aparacaq. Yenə hesabdakı tarazlıq pozulmazsa, penaltilər seriyasına yer veriləcək.
Pley-off mərhələsinin oyunları mayın 4-də və 8-də keçiriləcək. Əgər bu iki oyun günündə finalçıların hər ikisi müəyyənləşməsə, növbəti oyun mayın 11-də baş tutacaq. Mövsümə isə mayın 15-də yekun vurulacaq. Əvvəlcə 3-cü, daha sonra isə final oyunu təşkil olunacaq, sonda isə komandalar mükafatlandırılacaq. Bu mərhələnin bütün oyunları Bakı İdman Sarayında keçiriləcək.
