Topaz Premyer Liqasının 12-ci turu çərçivəsində keçiriləcək "Xəzər Lənkəran" – "Rəvan" oyunu canlı yayımlanacaq. Bu barədə Korner.az-a Peşəkar Futbol Liqasının (PFL) prezidenti Ramin Musayev məlumat verib.
Musayev təkcə Lənkərandakı oyunun deyil Tovuzda keçiriləcək "Turan" – "Simurq" qarşılaşmasının da, canlı yayımlana biləcəyini bildirib:
"Lənkəranda keçiriləcək "Xəzər Lənkəran" – "Rəvan" oyunu canlı yayımlanacaq. Bundan başqa "İdman Azərbaycan" kanalı Tovuzda keçiriləcək "Turan" – "Simurq" oyununu da, canlı yayımlamaq istəyir. Biz çalışırıq ki, bölgələrdə keçirilən oyunlar da, canlı yayımla azarkeşlərə göstərilsin".
Səxavət QURBANOV
