PFL bu matçın vaxtını dəyişdirdi
12.12.2023 , 12:02
Azərbaycan Premyer Liqasının 17-ci turunun “Səbail” və “Qəbələ” komandaları arasında keçiriləcək oyununun vaxtı dəyişdirilib.
Korner.az PFL-in saytına istinadən xəbər verir ki, buna “ASCO Arena”nın işıqlandırma sistemində bir müddət öncə yaranmış problemə görə təmir-bərpa işləri hələ də davam etməsi səbəb olub.
“Səbail” klubunun vəziyyətlə bağlı yenilənmiş müraciətinə əsasən “Qəbələ” klubu PFL tərəfindən məlumatlandırılıb. PFL-in yekun qərarına əsasən oynanılması əvvəlcədən 17:00-da nəzərdə tutulmuş görüşün gün və məkan eyni saxlanılmaq şərti ilə saat 13:00-da baş tutmasıına qərar verilib.
