Paytaxt derbisini “İnter” qazandı

"İnter"in əvəzedici heyəti növbəti mövsümə hazırlıqlarını davam etdirir.

Korner.az-ın klubun rəsmi saytına istinadən verdiyi məlumata görə, bu gün Tofiq Mustafayevin yetirmələri təlim-məşq prosesi çərçivəsində son yoxlama matçını keçiriblər.

Bakı klubunun bazasında baş tutan qarşılaşmada "bankirlər" "Bakı"nı 2:1 hesabıyla məğlub edib. "İnter"in hər iki qolunu yeni oyunçu Zeynal Hacıyev vurdu.

Qeyd edək ki, Z.Hacıyev Qusar futbol bölgəsinin yetirməsidir.