Dibala “Milan”la oyunda zədələndi
03.11.2025 , 16:00
“Roma”nın hücumçusu Paulo Dibala “Milan”la qarşılaşmada penalti zərbəsini yerinə yetirərkən bud əzələsini dartıb.
Korner.az xəbər verir ki, baş məşqçi Can Pyerro Qasperini argentinalının zədəsinin ciddi olduğunu açıqlayıb və onun bir müddət komandaya qoşula bilməyəcəyini bildirib:
“Penaltidə ən pis məqam Dibalanın zədələnməsidir. İndi əsas məsələ onun nə qədər müddət oyundan kənarda qalacağıdır. Bu, gecənin ən böyük itkisi oldu.”
Qeyd edək ki, bu, Dibalanın “Roma”da penalti vura bilməməsi ilə ilk haldır. Əvvəlki belə hadisə isə “Yuventus”da, 2021-ci ilin noyabrında “Salernitana”ya qarşı baş vermişdi.
