Paulina “Fortuna”da – “Borussiya”dan yeni transfer
04.01.2026 , 13:45
Dortmund “Borussiya”sının hücumçusu Xordi Paulina karyerasını “Fortuna”da davam etdirəcək.
Korner.az klubun mətbuat xidmətinə istinadən xəbər verir ki, 21 yaşlı Kurasao millisinin üzvü yeni komandası ilə 2030-cu ilin yayına qədər müqavilə imzalayıb.
Keçid üçün “Fortuna” “Borussiya”ya 400 min avro ödəyəcək. Paulina “Fortuna”da 27 nömrəli forma ilə oynayacaq.
Qeyd edək ki, bu mövsüm gənc hücumçu Dortmundun ikinci komandasında 11 matçda meydana çıxaraq 7 qol vurub və 1 məhsuldar ötürmə ilə yadda qalıb.
