Patrik Dorgu uzun müddət “Mançester Yunayted”ə kömək edə bilməyəcək
27.01.2026 , 18:24
“Mançester Yunayted”in müdafiəçisi Patrik Dorgu zədə səbəbindən sıradan çıxıb.
Korner.az xarici KiV-ə istinadən xəbər verir ki, 21 yaşlı futbolçu təxminən 10 həftə yaşıl meydanlardan uzaq qalacaq.
Danimarkalı oyunçu Premyer Liqanın 23-cü turunda “Arsenal”a qarşı keçirilən və 3:2 hesabı ilə başa çatan görüşdə dizin arxa əzələsindən zədə alıb. Həmin qarşılaşmada qol vuran Dorgu oyunu vaxtından əvvəl tərk etməli olub.
Bu səbəbdən müdafiəçi növbəti 8 oyunda “Mançester Yunayted”in heyətində yer ala bilməyəcək. Onun mümkün dönüş tarixi aprel ayına, “Lids”lə matça təsadüf edə bilər.
