“Partizani”nin uğursuz səfər seriyası
16.07.2019 , 12:14
“Qarabağ” Çempionlar Liqasının I təsnifat mərhələsinin cavab görüşündə Albaniyanın “Partizani” klubunu qəbul edəcək
UEFA-nın saytı bəzi faktları hazırlayıb:
– Tirandakı ilk oyunda 0:0 hesablı heç-heçə qeydə alınıb;
– “Qarabağ” ötən mövsüm bu mərhələdə Albaniyanın “Kukesi” klubunu mübarizədən kənarlaşdırıb;
– “Partizani” avrokuboklarda son 28 səfər oyununda qalib gəlmir (3 heç-heçə, 25 məğlubiyyət);
– “Qarabağ” 2017/2018 mövsümündə Çempionlar Liqasının qrup mərhələsində çıxış edib;
– Cütün qalibi II təsnifat mərhələsində “Dandolk” – “Riqa” cütünün qalibi ilə üz-üzə gələcək;
– Məğlub komanda Avropa Liqasının II təsnifat mərhələsində “Şerif” – “Saburtalo” cütündə uduzan klubla qarşılaşacaq.
Cütün ilk oyununda qolsuz heç-heçə qeydə alınıb. Komandaların cavab Bakıda yerləşən “Dalğa Arena”da reallaşacaq. Oyunun start fiti 21:00-da səslənəcək.
