Avropa Liqasında "Neftçi"nin rəqiblərindən biri olan "Partizan"ın futbolçuları "ağ-qaralar"la oyunöncəsi iddialı açıqlamalar veririlər. Korner.az-ın məlumatına görə, serb klubunun hücumçusu Stefan Skepoviç Avroliqanın qrup mərhələsində "Neftçi"yə qarşı keçirəcəkləri ilk oyundan danışıb:
“Partizan” dünyanın ən güclü klublarından biri olacaq və biz bunu qələbəmizlə, yaxşı nəticələrimizlə göstərəcəyik. Keçən mövsümün yarısını heç də yaxşı keçirmədik, yaxşı oyun ortaya qoymadıq. Ancaq bu mövsüm həm Serbiya çempionatında, həm də Avropa Liqasında sözümüzü deməliyik.
Bizim komandamız qrupdakı digər rəqiblərindən fərqlənir. “İnter”özümüzü yoxlamaq baxımından gözəl seçimdi. Çünki bu klub dünya səviyyəli klubdu. “Rubin”i “Barselona”ya qarşı oyunlarından tanıyırıq. “Neftçi” isə bizim kimi Avropa Liqasının “ağ-qara” xəritəsidir. (çıxış etdiyi klubun rəngləri nəzərdə tutur). İlk oyunda onlar Azərbaycandan bizə qonaq gələcək və təbii ki, tarixləri əzrində qatıldıqları turnirdə ilk turdaca özlərini sübut etmək istəyəcəklər. Mənə elə gəlir ki, “Neftçi” ilə oyun qrupdakı ən vacib oyunumuz olacaq”.
Qeyd edək ki, 22 yaşlı Stefan Serbiya millisinin heyətində 4 oyunda da meydançaya çıxıb.
