Avropa Liqasının qrup mərhələsində “Neftçi”nin rəqiblərindən olan “Partizan”ın külli miqdarda borcu var.
Korner.az Serbiya mətbuatına istinadən xəbər verir ki, borclar vergi ödəmələrinə görədi.
Klubun baş direktoru Darko Qrubor məlumatı təsdiqləyərək deyib ki, hazırda bütövlükdə Serbiya idmanı eyni problemlə qarşı-qarşıyadı: “Biz ən çox borcu olan qurumlar sırasındayıq. Ancaq klubumuzun maliyyə mənbələri var və biz o mənbələrdən alacağımız pullar hesabına vergi borcumuzu tam ödəyə biləcəyik. “Partizan” heç vaxt vergidən yayınmaq niyyətində olmayıb”.
Qeyd edək ki, Serbiya mətbuatında yayılan informasiyalara görə, “Partizan” Serbiyanın Vergilər Nazirliyinə ən çox borcu olan 500 qurum arasında 178-cidi. Klubun 3,7 milyon avro vergi borcu var.
