Hazırda heç bir klubla müqaviləsi olmasa da, sabiq komandası “Sumqayıt”la birgə məşqlərə çıxan Pərdis Fərcad-Azadın müsahibə verib.
Korner.az-ın məlumatına görə, futbolçu komandanın gücləndiyini dilə gətirib.
– Hazırda "Sumqayıt"la məşqlərə çıxırsız. Hazırlıqlar necə gedir?
– Hazırlıqlar yaxşı keçir. Komanda gündə iki dəfə məşqlərə çıxır.
– Topaz Premyer Liqasında 2 dövrə arxada qalıb. Komandanın ilk dövrələrdəki çıxışını necə dəyərləndirirsiz?
– Düşünürəm ki, komandamız yaxşı çıxış edib. Ən azından keçən ilə baxanda bu mövsüm komanda daha güclüdü.
– Premyer Liqanın 6 klubu hazırlıqlarını Türkiyədə davam etdirir. Amma bir neçə klub, o cümlədən “Sumqayıt”da toplanışını ölkəmizdə davam etdirir. Bunun komandaya təsirini necə qiymətləndirirsiz?
– Əlbəttə komandanın Türkiyəyə yollanması daha yaxşı olardı. Amma buna klub rəhbərliyi qərar verir. Bu, onların işləridi.
– “Sumqayıt” hazırlıqlarını ölkədə davam etdirdiyi üçün yoxlama oyunlarında gücünü yalnız yerli klublarla sınayır. Xarici komandalarla oynamaq gənclər üçün daha yaxşı olmazdımı?
– Hər bir futbolçu xarici klublara qarşı oynamaq istəyər. Türkiyə və ya Qazaxstan klublarının oyun tərzini görmək gənc oyunçular üçün maraqlı olardı.
– Çempionatın ilk turlarından “Sumqayıt” lider idi. Sizcə, komandanın bu yüksəliş saxlaya bilməməsinə səbəb nə oldu?
– Mən həmin vaxt zədəli olduğum üçün komandanın oyunlarını izləyə bilmirdim. Sadəcə hər turun nəticələrini öyrənməklə kifayətlənirdim. Ümidvaram ki, qarşıdakı 5 ay ərzində komanda yenidən yüksəlişə keçəcək.
– Sizə hansısa yerli və ya xarici klubdan təklif gəlibmi?
– Türkiyə PTT 1-ci Liqasından və bir neçə yerli klubdan təklif gəlmişdi. Hazırda “Sumqayıt”la müqaviləm olmadığı üçün təklif gəlsə, dəyərləndirərəm.
– Digər Premyer Liqa klublarımız yeni futbolçularla güclənirlər. Həmin transferləri ilə maraqlanırsızmı?
– Mənim başım hazırda “Sumqayıt”dakı məşqlərə qarışıb. Sadəcə özümlə maraqlanıram. Digər klubları izləmirəm.(futbolinfo)
