Topaz Premyer Liqasının XXVI turunda “Qəbələ” “Keşlə”ni qəbul edib. Oyun 1:1 hesablı bərabərliklə yekunlaşıb
Oyundan sonra “Qəbələ”nin futboçusu Pərdis Fərcad Azad jurnalistlərin suallarını cavablandırıb. O ilk olaraq oyun haqda fikirlərini bildirib:
– Düşünürəm ki, ikinci hissədə daha yaxşı oynadıq. Bərabərlik layiqli nəticə oldu hər iki komanda üçün.
– Finalda da bu komanda ilə qarşılaşacaqsınız…
– Final başqa məsələ.. Ona daha həvəslə hazırlaşacağıq.
– Final da Qəbələdə olacaq. Bu üstünlükdürmü?
– Belə düşünmürəm. Stadion da böyük deyil ki azarkeş çox olsun.
– Şanslarınızı necə dəyərləndirirsən?
– 50-50-yə. Hər iki komandanın da şansı var.
– Səncə bu oyunda bütün kartlar açıq idimi?
– Biz öz oyunumuzu oynayırıq.
– Müqavilə də artıq başa çatır. Bundan sonrakı planın nədi?
– Hələ bilmirəm. Bir neçə təklif var, lakin klubla danışmamışam.
– Xarici, yoxsa yerli komanda?
– Xaricdən də var, amma yerli komandalar da təklif göndıərib.
– Hansı komandalardı?
– Açıqlamaq istəmirəm.
– Niyə əsas heyətdə deyildin?
– Keçən oyunda əzələmi dartmışdım. Buna görə də, məşqçilər qorxdular məni əsas heyətə daxil etməyə. Lakin yenə də gələn oyunda iştirak etmək istəyirəm.
– “Qəbələ” yüksəlişdədir. Bunun sirri nədədir?
– Oyun sistemi dəyişdi. Yaxşı oyunçularımız da var. Maaliyyə vəziyyətimiz də düzəldi. Buna görə də hər şey artıq daha yaxşıdı.
