Bir zamanlar “Arsenal” və “Qalatasaray” kimi klublarda mübarizə aparmış Fildişi Sahilili futbolçu İngiltərənin “The Telegraphy” qəzetinə müsahibə verib.
Korner.az-ın məlumatına görə, Emmanuel Eboue FİFA tərfindən cəzalandırıldıqdan sonra yaşadığı çətin günlər haqda danışıb:” “Sanderlend” klubuna transfer olunduqdan sonra FİFA məni 1 illiyinə futboldan kənarlaşdırdı. Həmin bir il mənim üçün çox çətin keçdi. Yataqdan çıxmaq istəmədiyim bir çox günlər oldu. Bir gün özümü öldürmək istədim. Ailəm mənə çətin günlərdə çox dəstək oldu. Ailəmin sayəsində çətin günləri geridə qoydum. Əgər tək qalsaydım özümü öldürə bilərdim. Yatağımdan çıxmadığım zamanlar 1-2 gün eyni otaqda tək qalırdım. Qapını kilitləyirdim və sadəcə düşünürdüm. Bəzən “İncil” kitabını oxuyurdum və özüm özümə sual verirdim ki, “Emmanuel,niyə özünə bunu edirsən?”. Bu ailən üçün yaxşı deyil”.
Xatırladq ki, Emmanuel Eboue “Qalatasaray”dan İngiltərə klubu “Sanderlend”ə transfer olunmuşdu. Meneceri isə transferdəki qanun pozuntuları ilə əlaqdar FİFA-ya şikayət ərizəsi yollamışdı və FİFA da bu etirazı qəbu edib afrikalı futbolçuya pul cəzası vermişdi. Ebouenin 1 milyon sterlinq civarında olan borcunu ödəmədiyini görən ali futbol qurumu onu futboldan 1 illiyə kənarlaşdırmışdı.
