“Öz oyunumuzu düşünməliyik”
03.12.2025 , 15:15
“Mançester Siti”nin hücumçusu Erlinq Haland Premyer Liqada “Arsenal”la çempionluq mübarizəsinə münasibət bildirib.
Korner.az xəbər verir ki, norveçli forvard komandanın diqqətini yalnız öz oyununa yönəltməli olduğunu deyib:
“Arsenal barədə çox düşünməməliyik. Özümüzə fokuslanmalı, daha yaxşı olmağa çalışmalıyıq. Xoşagəlməz situasiyalardan qaçmalıyıq – bu səviyyə kifayət deyil və bunu hamımız bilirik. Komanda olaraq inkişaf etməliyik”.
Premyer Liqanın 14-cü turunda “Mançester Siti” səfərdə “Fulhem”i 5:4 hesabı ilə məğlub edib. 5:1 hesabı ilə öndə olan “şəhərlilər” son 20 dəqiqədə üç qol buraxsalar da, qələbəni qoruyublar. Haland bu oyunda Premyer Liqadakı 100-cü qolunu vurub.
“Siti” 14 turdan sonra 28 xalla ikinci pillədədir. “Arsenal” isə 13 oyundan sonra 30 xalla liderliyini davam etdirir.
