Rusiya millisinin futbolçusu Denis Qluşakov Rusiya-Azərbaycan oyunu haqda fikirlərini bölüşüb.
Korner.az-ın məlumatına görə, Qluşakov millimizin son dəqiqələrə doğru vaxt apardığını deyib.
"Əsas olan 3 xaldı. Bilirdik ki, oyun çətin olacaq, rəqib sona qədər müdafiə olunacaq. Çətin oldu və mənə elə gəldi ki, oyunun sonlarına doğru azərbaycanlılar oynamaq istəmirdilər, vaxt aparırdılar. Çoxlu imkanlarımız oldu, amma rəqib öz cərimə meydançasına yığışdığından, fürsətlərdən istifadə edə bilmədik. Müdafiə olunmaq həmişə hücum etməkdən asandı. Portuqaliya oyun oynadı, azərbaycanlılar isə nə özləri oynadılar, nə də bizə oynamağa imkan verdilər".