Bu gün Beynəlxalq Muğam Mərkəzində 2011-2012-ci il mövsümündə Unibank Premyer Liqasının qaliblərinin mükafatlarının təqdimetmə mərasimi keçiriləcək.
Korner.az xəbər verir ki, tədbirdə "Neftçi"yə qızıl, "Xəzər Lənkəran"a gümüş, "İnter"ə isə bürünc medal veriləcək.
Ötən mövsümün ən yaxşı qapıçısı, ən yaxşı müdafiəçisi, ən yaxşı yarımmüdafiəçisi, ən yaxşı hücumçuçu, ən yaxşı baş məşqçisi, ən yaxşı futbolçusu və mövsümün tapıntısına da (gənc futbolçu) mükafat veriləcək.
*****
Tədbir saat 18:00-a planlaşdırılsa da, 1 saat gec başlayıb.
Mərasimdə çıxış edən AFFA prezidenti Rövnəq Abdullayev bunları deyib:
"Cənab Prezidentin 2012-ci ili idman ili elan etməsindən sonra idmanın müxtəlif sahələrində uğurları sıraladıq. Futbolumuzda da inkisaf hiss edilir. Bakıda ve bölgələrdə müxtəlif stadionlar inşa edilir.klublarımızın qarsısına minimal hədəf kimi qrup mərhələsinə çıxmaq qoyulacaq".
Sonra nominasiyalar üzrə ən yaxşılar elan edilib.
1. Ən yaxşı qapıçı: Kamran Ağayev ("Xəzər Lənkəran")
2. Ən yaxşı müdafiəçi: Ruslan Abışov ("Neftçi")
3. Ən yaxşı yarımmüdafiəçi: Adrian Pit ("Xəzər Lənkəran")
4. Ən yaxşı hücumçu: Rauf Əliyev ("Qarabağ")
5. Ən yaxşı baş məşqçi: Böyükağa Hacıyev (“Neftçi”)
6. Mövsümün tapıntısı: (gənc futbolçu) – Nuran Novruzov (“Bakı”)
7.Ən yaxşı assistent: Rəşad abdullayev (“Neftçi”)
8.Ən yaxşı qol: Ceyhun Sultanov (“Kəpəz”)
9.Ən yaxşı bombardir: Bahodir Nasimov (“Neftçi”)
10.Ən sadiq azarkeş: Xoşbəxt Yusifzadə
11. Ən yaxşı futbolçu: Flavinyo ("Neftçi")
12. Ən yaxşı hakimlər: Elçin Məmmədov, Əliyar Ağayev və Fariz Yusifov
Tədbirin sonunda ötən mövsümün çempionu “Neftçi”, gümüş mükafatçısı “Xəzər Lənkəran” və bürünc mükafatçısı “İnter”ə Fransanın məşhur “Artua-Bertran” şirkəti tərəfindən hazırlanmış medallar təqdim olunub.
