Oskar xəstəxanadan evə buraxıldı
18.11.2025 , 14:00
“Çelsi”nin sabiq yarımmüdafiəçisi Oskar xəstəxanadan evə buraxılıb.
Korner.az xəbər verir ki, 34 yaşlı futbolçunun ürəyində 11 noyabrda “San-Paulo” ilə mövsümöncəsi planlı tibbi müayinə zamanı anormal reaksiyalar qeydə alınıb və nəticədə Oskar qısa müddət huşunu itirərək xəstəxanaya yerləşdirilmişdi.
“Bu bazar günü Oskar Albert Eynşteyn klinikasından buraxılıb. Xəstəxanada aparılmış geniş müayinə göstərdi ki, futbolçu müəyyən stimula görə qısa müddətli huş itirmə epizodu yaşamışdır. Xəstəxanada olduğu müddət ərzində vəziyyəti sabit və yaxşı olub. Növbəti bir neçə gün ərzində o, tibbi bərpa proqramına əməl edəcək,” – “San-Paulo”nun açıqlamasında bildirilib.
Buna baxmayaraq, Oskar karyerasını bitirmək ehtimalını da nəzərdən keçirir.
