Ölkə futbolu

“Onun “Qarabağ”dan ayrılma səbəbi əriştə və yaxud siçanlar olmayıb”

30.07.2018 , 10:41

“Deyilən iddiaların doğru olmadığını hər kəs bilir. Ümumiyyətlə, “Qarabağ” uzun müddət “Ruslan 93” marketin yaxınlığındakı bazada qalıb. Eyni şəraitdə qalan futbolçuların heç vaxt ayağının altında siçanlar gəzməyib”.

Bu sözləri korner.az saytına açıqlamasında “Qarabağ”ın mətbuat katibi Nurlan İbrahimov deyib. Onun sözlərinə görə, Qarabağ”ın U-19 komandasının makedoniyalı sabiq futbolçusu Boyan Miovskinin sözlərində həqiqət payı yoxdu:

“Yeməklər də çöxnövlü olub. Əriştə olmayıb. Deyilənlərin heç biri həqiqəti əks etdirmir. İstənilən halda, Miovskinin də “Qarabağ”dan ayrılma səbəbi əriştə və yaxud siçanlar olmayıb. Əminəm ki, onun “Qarabağ”ın bazasında qaldığı yerin şəraiti Makedoniyadakindan heç də aşağı deyildi”

Qeyd edək ki, Miovski sportlife.az saytına açıqlamasında bunları demişdi: “Orda şərait çox pis idi. Qidalanmağımızı və yaşadığımız yeri nəzərdə tuturam. “Qarabağ”da çıxış etdiyim 6 ayı çarpayıların altında siçanlar olan otaqda və hər gün əriştə yeməklə keçirdim. Bu peşəkarlıq deyil”.

Son yazılar

Yuxarı