DÇ-2018-in seçmə mərhələsi çərçivəsində keçiriləcək Şimali İrlandiya – Azərbaycan matçından öncə təşkil olunacaq mətbuat konfranslarının və açıq məşqlərin vaxtı açıqlanıb.
Korner.az-ın məlumatına görə, noyabrın 11-də Belfast şəhərindəki “Vindzor Park” stadionunda baş tutacaq matçdan bir gün öncə baş məşqçilər media nümayəndələri önünə çıxacaq.
Noyabrın 10-da Bakı vaxtı ilə saat 16:45-də Şimali İrlandiyanın baş məşqçisi Maykl Onil mətbuat konfransı keçirəcək. Azərbaycan millisinin çalışdırıcısı Robert Prosineçki isə 23:15-də jurnalistlər önünə çıxacaq.
Həmin gün saat 15:00-da Şimali İrlandiya, 23:45-də isə Azərbaycan yığmasının ilk 15 dəqiqəsi mətbuat üçün açıq məşqi baş tutacaq.
