“Olimpiakos”un gənc yarımmüdafiəçisinə böyük transfer təklifi
12.01.2026 , 12:15
“Olimpiakos”un yarımmüdafiəçisi Xristos Mouzakitisə Avropanın bir neçə nüfuzlu klubu maraq göstərir.
Korner.az xarici KİV-ə istinadən xəbər verir ki, “Mançester Yunayted”, “Real” və “Arsenal” gənc futbolçunu heyətinə qatmaq istəyir.
Xəbərdə bildirilir ki, Yunanıstan klubu Mouzakitisin transferindən 40 milyon avro qazanmağı planlaşdırır. Oyunçu özü də bu qış klubu tərk etməyi düşünür.
“Olimpiakos”la müqaviləsi 2029-cu ilin yayına qədər davam edən gənc yarımmüdafiəçi Avropada yeni macəraya başlamağa hazır görünür.
