Topaz Premyer Liqasının VI turunda “Xəzər Lənkəran” doğma meydanında “Araz Naxçıvan”ı 2-0 hesabı ilə məğlub edib.
Korner.az-ın məlumatına görə, klubun çalışdırıcısı Oğuz Çetin oyunla bağlı bunları deyib:
“Sözü çox uzatmaq niyyətim yoxdur. Mənim oyunçularım qol zamanı stressdə olurdular. Bu gün isə hər şeydən razı qaldım. Biz qol vurmaq problemini tamamilə həll etdikdən sonra istənilən rəqibi məğlub edə bilərik. Bu gün rəqibə heç bir şans vermədik. Qol bir az gec vurulsa da, əsas qələbədir. Əgər qolu erkən vursaydıq, hesab daha fərqli olardı. Biz ardıcıl olaraq, qələbələr qazanmalıyıq”.
