Pyer-Emerik Obameyanq növbəti mövsümdə də “Borussiya”da oynayacaq.
“Football İtalia”ya verdiyi müsahibədə o, bir neçə klubdan təklif aldığını təsdiqləyib: “Amma onlardan heç biri “Borussiya” ilə razılığa gələ bilmədi. Əslində mənə Dortmundda xoşdur. Özümü öz evimdəki kimi hiss edirəm. Yeni mövsümdə də “Borussiya”da qalacağam”.
O, Çindən yüksək transfer təklifi aldığını da deyib: “Çox insan deyirdi ki, pula görə ora getsəm, karyerama ciddi zərbə vurmuş olacağam. Ona görə həmin təklifləri qəbul etmədim”.
