“Nyukasl”ın sabiq futbolçusu məşq zamanı öldü

Çinin ikinci liqasında çıxış edən “Pekin Enterprises”in 30 yaşlı yarımmüdafiəçisi Şeyk İsmael Tiote məşqdə ürək tutmasından ölüb.

Korner.az-ın xəbərinə görə, bunu İngiltərə mətbuatına açıqlamasında futbolçunun meneceri Emanuele Palladino deyib.

O bildirib ki, Tiote məşqi zamanı qəflətən yerə yıxılıb və dünyasını dəyişib.

Qeyd edək ki, Fil Dişi Sahili yığmasının üzvü  olan Tiote daha əvvəl “Anderlext”, “Tvente” və “Nyukasl” klublarda çıxış edib.