Nurlan İbrahimovun yeni iş yeri
11.10.2022 , 21:10
“Qarabağ” klubunun mətbuat xidmətinin sabiq rəhbəri Nurlan İbrahimovun yeni iş yeri müəyyənləşib.
Korner.az xəbər verir ki, sabiq futbol funksioneri yenidən idman sahəsi üzrə çalışacaq. Onun rəhbəri olduğu “Can Sports” idman turizmi və konsaltinq şirkəti artıq fəaliyyətə başlayıb.
Şirkət peşəkar klubların üzvlərinin Azərbaycanda qarşılanması, yerləşdirilməsi, eləcə də xaricə səfərlərin, idman tədbirlərinin təşkilati işlərini həyata keçirəcək.
Xatırladaq ki, N.İbrahimov 44 günlük Vətən müharibəsi zamanı ermənilərlə bağlı Feysbukda yazdığı statatusa görə UEFA tərəfindən futboldan ömürlük kənarlaşdırılıb. İdman Arbitraj Məhkəməsi (CAS) isə həmin qərarı qüvvədə saxlayıb.
