Nuno Mendes zədə səbəbindən “Monako” ilə oyunu buraxacaq
28.11.2025 , 22:00
PSJ-nin müdafiəçisi Nuno Mendes zədə səbəbindən komandaya kömək edə bilməyəcək.
Korner.az xəbər verir ki, bu barədə Liqa 1 klubunun mətbuat xidməti məlumat yayıb.
23 yaşlı futbolçu Çempionlar Liqasının 5-ci turunda “Tottenhem”lə qarşılaşmada sağ bud nahiyəsindən zədə alıb. Bu səbəbdən o, ölkə çempionatının 14-cü turunda “Monako”ya qarşı keçiriləcək oyunda iştirak etməyəcək.
Mendes cari mövsüm PSJ-nin heyətində 16 matçda meydana çıxıb, 4 qol və 4 məhsuldar ötürmə ilə yadda qalıb.
