Noyer: “Arsenal” qələbəyə layiq idi, nəticə ədalətlidir”
27.11.2025 , 10:30
“Bavariya”nın qapıçısı Manuel Noyer Çempionlar Liqasının 5-ci turunda “Arsenal”a 1:3 hesabı ilə uduzduqları görüşdən sonra açıqlama verib.
Korner.az xarici KİV-ə istinadən xəbər verir ki, Noyer matçın nəticəsini obyektiv qiymətləndirib:
“Təbii ki, bu məğlubiyyət bizi məmnun etmir. Məqsədimiz qələbə qazanmaq idi. Amma oyunun ikinci hissəsini nəzərə aldıqda, “Arsenal”ın daha yaxşı oynadığını və qələbəyə layiq olduğunu deməliyik. Həlledici epizodlarda istədiyimiz səviyyədə deyildik və fasilədən sonra kifayət qədər qol imkanları yarada bilmədik. Bu nəticə ədalətli idi.”
Turnir cədvəlində 15 xalla “Arsenal” liderliyini qoruyur, 12 xalı olan “Bavariya” isə hazırda üçüncü yeri tutur.
