"Bakı"nın baş məşqçisi Novruz Əzimovun Korner.az saytına müsahibəsi.
-Geridə qalan mövsümdə "Bakı"nın çıxışını necə dəyərləndirərdiz?
Komandamız qeyri-stabil çıxış etdi. Futbolçularımız tez-tez zədələnirdi. Çempionatda da yaxşı yer tuta bilmədik. Altıncı yer təbii ki, bu "Bakı"nın uğursuzluğu deməkdir. Ancaq gələcəyə nisbin baxırıq. Gələn mövsüm daha yaxşı çıxış edəcəyik.
-Komandada qalıb qalmayacağınız barədə söz-söhbətlər davam edir. Konkret olaraq qalacaqsınız? Yoxsa yox?!
99 % qalacam.
-Komandanın baş məşqçi postuna mövsümün yarısında qoşuldunuz. Ölkə kubokunu da qazanaraq bütün diqqətləri öz üzərinizə çəkdiniz. Bəs gələn mövsüm necə "Bakı"nı ölkə çempionu edə biləcəksiniz?
Bilirsiz "Bakı" həmişə maksimum yerlərə oynayan komandadır. İstər ölkə kuboku, istərsə də Premyer Liqa. Bəli biz də çalışacıyıq gələn mövsüm çempionluğa oynayaq.
-Mövsüm başa çatar-çatmaz artıq bir çox klubun trasnfer edəcəyi futbolçular məlum oldu. Ancaq nədənsə "Bakı"da bu proses gec baş tutdu. Ümumiyyətlə komandanızda yeni transferlərdən kimi görə biləciyik?
Bəli sizin də dediyiniz kimi bu bizdə bir az ləngidi.Ancaq bu məsələyə yaxın günlərdə aydınlıq gətirəciyik. Klubun içraçı direktoru Yaşar müəllimlə görüşüb, transfer edəcəyimiz futbolçular barədə söhbət edəciyik.
-Bəs bilmək olarmı bu hansı futbolçular olacaq? Ən azından kiçik bir informasiya verərdiz.
Çox ölkələrdən futbolçular var. Konkret olaraq ad çəkə bilməyəcəm. Daha sonra özümüz açıqlayacıyıq. Onu deyim ki, maksimum 4 futbolçu götürmək fikrindəyik. Amerika və Avropa qitələrindən futbolçular transfer edəcəyik..
-Komandanızın təlim-məşq toplanışı harada olacaq?
İlk etab iyun ayının 6-sından 10-una kimi Bakıda olacaq. İkinci etab ayın 13-dən 17 sinə qədər Qəbələdə baş tutacaq. 18-indən, 29-na kimi planlaşdırılmış məşq prosesi isə,Sloveniyada olacaq. Burada bizi yoxlama oyunları gözləyir. İyul ayının 5-də bizə məlum olacaq ki, yəni evdəmi oynuyuruq, yoxsa səfərdəmi.
Hidayət
