“Bilirik ki, sabah hər 2 komanda üçün çətin oyun olacaq. Qalib gələrək növbəti mərhələyə adlamaq istəyirik. Bakıdakı oyunda istədiyimiz nəticəni əldə edə bilməmişdik və məyus olmuşduq. Ümid edirik ki, sabahkı oyunda istəyimizə çatacağıq”.
Korner.az-ın məlumatına görə, bu sözləri “Qarabağ”ın futbolçusu Miçel Madera Avropa Liqasının qrup mərhələsinin 5-ci turunda “Slovan”la oyun öncəsi keçirilən mətbuat konfransında deyib .
O, rəqibin dinamik oyun nümayiş etdirəcəyini və buna hazır olduqlarını bildirib.
Miçel meydanın vəziyyəti ilə bağlı suala belə cavab verib:
“Azərbaycanla Çexiyanın fərqli iqlim şəraitini və havanı nəzərə alsaq, meydanın vəziyyəti yaxşıdır. Daha dəqiq cavabı bu günkü məşqdən sonra verə bilərəm”.