“Püşkatmadan razıyam. Keçmiş komandama qarşı oynamağı çox istəyirəm. Düzünü deyim ki, “Xəzər Lənkəran” barədə nə dərəcədə faydalı informasiya verə biləcəyimi bilmirəm. Çünki orda oynamağımdan artıq iki ilə yaxın bir müddət keçib. Amma məncə, bu cütün favoriti azərbaycanlılar hesab olunacaqlar. Onların heyətində güclü legionerlər var və yəqin ki, səviyyələri də daha yüksəkdi”.
Korner.az-ın məlumatına görə, bus sözləri "Xəzər Lənkəran" klubunun Avroliqadakı rəqibi “Nomme Kalyu”nun müdafiəçisi Tixon Şişov deyib. Müdafiəçi yerli Estooniya mətbuatına müsahibəsində iddialı danışıb:
“Azərbaycanda keçiriləcək səfər oyununu düşünərkən həyəcanlanıram. Amma qorxmağa dəyməz. Şübhəsiz ki, Lənkərana qələbə üçün gedəcəyik. Lakin bu çətin səfərdə heç-heçə də bizim üçün pis nəticə sayılmamalıdı.
Lənkərana səfər həqiqətən də çox çətin olacaq. Bu şəhər Bakıdan təxminən 300 km aralıda yerləşir. Amma açığını deyim ki, mən orda oynayarkən Azərbaycandakı yollar o qədər də yaxşı deyildi”.
