“Artıq “Qəbələ” ilə müqavilə bağlamışam. Klubun özünün inkişafı ilə bağlı maraqlı proyekti var. Mən gələn il avrokuboklara düşəcəyimizi istisna etmirəm. Hər halda, qarşımızda belə bir vəzifə qoyulub”.
Korner.az-ın məlumatına görə, bu sözləri “Qəbələ”yə yenicə baş məşqçi təyin olunmuş rusiyalı mütəxəssis Yuri Syomin deyib.
Təcrübəıli çalışdırıcı ölkəsinin “Moskovski komsomolets” qəzetinə danışarkən jurnalistin ona ünvanladığı –
Komandaya əcnəbi futbolçular dəvət ediləcəkmi? Başqa sözlə, “Qəbələ” Azərbaycanın “Anji”sinə çevriləcəkmi?” sualına Syomnin belə cavab verib:
“Niyə də yox?! Klubun əla şəraiti var. Mən təkcə maddi məsələni yox, bütün infrastrukturu nəzərdə tuturam. Hazırda klub üçün müasir stadion tikilir, yaxşı bazalar, meydançalar var”.
