“Mən indiyə qədər “İnter”i yalnız televizorda görmüşdüm. İlk dəfə bu cür rəqiblə qarşılaşırdım. Mənə elə gəlirdi ki, “Playstation” oyununun içindəyəm və “İnter”ə qarşı məhz kompyuterdən oynayıram. Bir sözlə, özümü çox xoşbəxt hesab edirdim. Oyuna gəlincə, xal almaq üçün çox çalışdıq. Amma rəqib çox güclü idi. Şadam ki, komandamın yeganə qoluna mən imza atdım”.
Korner.az-ın məlumatına görə, bu sözləri “Neftçi” klubunun hücumçusu Nikolas Kanales Çili mətbuatına müsahibə verərkən deyib.
Forvard Çili və Azərbaycan çempionatları arasındakı fərqdən danışıb:
“Çilidə çempionatda rəqabət daha böyükdür, nəinki Azərbaycanda. Ancaq deyim ki, mənim şərəfini qoruduğum “Neftçi” Azərbaycanda ən böyük klubdur və Avropa Liqasında oynayan tək təmsilçiləridir. Bundan başqa, komanda yoldaşlarımın demək olar hamısı öz yığmalarında oynayır”.
