Neymar: “Real”da oynamaq hər futbolçunun arzusudur”
04.03.2019 , 16:08
PSJ klubunun braziliyalı futbolçusu Neymar ölkəsinin idman mətbuatına “Real Madrid” ilə bağlı suallara cavab verib.
“Real”da oynamağın bütün futbolçular üçün arzu olduğunu deyən sambaçı hazırki klubunda xoşbəxt olduğunu sözlərinə əlavə edib.
“Real” dünyanın ən böyük klublarından biridir. Təbii ki, əksər oyunçular o klubun onlarla maraqlanmasını istəyər. Lakin, bu sözlərimdən ora keçmək istəyirəm kimi nəticə çıxarmayın. Gələcəkdə nələr olar, bilinmir. Hazırda Parisdə xoşbəxtəm.”
Qeyd edək ki, Neymar cari mövsüm PSJ klubunun heyətində 23 qol vurub, 11 məhsuldar ötürmə edib.
