Neymar növbəti turu buraxacaq
24.11.2025 , 14:31
Neymar dizindəki problem səbəbindən “İnternasional”a qarşı oynamayacaq.
Korner.az xəbər verir ki, “Santos”un hücumçusu “Mirasol”la son matçda sol dizində narahatlıq yaşayıb.
Klubun texniki heyəti vəziyyəti riskə atmamaq üçün 33 yaşlı futbolçunun növbəti turda istirahət etməsinə qərar verib. Məqsəd Neymarın “Sport Resifi” ilə oyuna tam hazır şəkildə çıxmasıdır.
“İnternasional”la qarşılaşma “Santos” üçün kritik əhəmiyyət daşıyır. Hazırda 37 xala malik komanda turnir cədvəlinin 17-ci pilləsində qərarlaşıb və düşmə təhlükəsi ilə üzləşib. Rəqib “İnternasional” isə 40 xalla 15-ci yerdədir.
Ulduz hücumçu cari mövsümdə A Seriyasında 17 matçda oynayıb və 4 dəfə fərqlənib.
