Premyer Liqanın XXXII turunun “Neftçi” – “Bakı” oyunundan sonra cari mövsümün qaliblərinin mükafatlandırılması mərasimi keçiriləcək. “Bakcell Arena”da keçiriləcək mərasimdə çempion “Neftçi” ilə yanaşı, gümüş və bürünc medalların sahibi “Qarabağ”la “İnter” də iştirak edəcək.
Korner.az-ın məlumatına görə, qaliblərin mükafatlandırılması mərasimində AFFA-nın prezidenti Rövnəq Abdullayev də iştirak edəcək.
“Neftçi” – “Bakı” matçı “Bakcell Arena”da (8-cikm stadionu) keçiriləcək və saat 20:30-da başlayacaq. Oyuna giriş pulsuzdu. Matçdan dərhal sonra möhtəşəm atəşfəşanlıq, eləcə də konsert proqramı azarkeşləri gözləyir. Təqdimetmə mərasiminin xüsusi müğənni qonağı isə Röya olacaq.
