“Neftçi”yə qarşı oynamaq bizim üçün çətin olacaq” – “Bney Yehuda”nın baş məşqçisi
05.08.2019 , 14:24
Avropa Liqasının 3-cü təsnifat mərhələsində “Neftçi” ilə qarşılaşacaq “Bney Yehuda”nın (İsrail) baş məşqçisi Yossi Abukasis oyunlar öncəsi fikirlərini bildirib.
Korner.az-ın məlumatına görə, təcrübəli mütəxəssis paytaxt klubu haqda müsbət fikirlər səsləndirib: “Neftçi”nin Tula “Arsenal”ına qarşı oyununda idim. Onlar yüksək keyfiyyətli legionerlərə sahib güclü komanadadır. Onlara qarşı oynamaq bizim üçün çətin olacaq. Yaxşı nəticə əldə etmək etmək üçün nəyə qadir olduğumuzu göstərməliyik”.
Qeyd edək ki, bu komandalar arasında ilk görüş avqustun 8-də “Bakcell Arena”da, cavab matçı isə ayın 15-də Tel-Əvivdə keçiriləcək. Hər iki oyun Bakı vaxtı ilə saat 21:00-da başlanacaq.
