“Neftçi”yə qalib gəlmək xoşdur” – Ayxan Abbasov
07.05.2023 , 19:43
Premyer Liqanın 33-cü turunda keçirilən “Turan Tovuz” – “Neftçi” oyunundan sonra meydan sahiblərinin baş məşçisi Ayxan Abbasovun mətbuat konfransı keçirilib.
Korner.az xəbər verir ki, mütəxəssis oyunu belə şərh edib:
“Gözəl qələbə idi. İlk öncə azarkeşlərimizə təşəkkürümü bildirmək istəyirəm. Bu qələbəni dar günümüzdə komandaya dayaq duran azarkeşlərimizə həsr edirik. Bizim üçün vacib qələbə idi. Əlbəttə “Neftçi”yə qalib gəlmək xoşdur. Yolumuza davam etməliyik. Evdə qalib gəlməyimiz vacib idi. Çünki çoxdan idi çempionat oyunlarında evdə qələbə qazana bilmirdik. Futbolçularıma təşəkkür edirəm. Verilən tapşırığı yerinə yetirməyə çalışdılar. Bu gün həm oyun, həm də nəticə bizi qane etdi”.
