Ölkə futbolu

“Neftçi”yə əlimdən gələnin ən yaxşısını etmək üçün gəlmişəm”

16.10.2020 , 16:14

“Neftçi”nin yeni transferi Bruno Teluşinin klubun televiziyasına açıqlama verib.

Korner.az xəbər verir ki, alban yarımmüdafiəçi paytaxt klubundakı hədəflərindən danışıb:

“Neftçi” kimi komandaya gəldiyim üçün çox şadam. Sevinirəm ki, öz ənənəsi, titulları və tarixi olan klubun üzvüyəm. Yeni komandama kömək etmək üçün var gücümü ortaya qoyacağam. Bilirəm ki, “Neftçi”nin tarixində ilk albaniyalı futbolçuyam. Bu, çox əlamətdar hadisədir. Albaniyanın bu klubda ilk təmsilçisi kimi komandanın uğurlu çıxış etməsi üçün maksimum çalışacam. Mən bura əlimdən gələnin ən yaxşısını etmək üçün gəlmişəm. “Neftçi”nin uğurlarında pay sahibi olmaq istəyirəm. Çalışacam ki, komanda mümkün qədər çox qələbə və çempionluq qazansın”.

“Neftçi” Teluşi ilə müddəti 2021-ci ilin yayına qədər olan sözləşmə imzalayıb. “Ağ-qaralar”a azad agent kimi keçən alban futbolçunun son klubu “Kukesi” olub.

Son yazılar

Yuxarı