“Neftçi”nin yoxlama oyununun vaxtı açıqlandı
20.06.2021 , 20:05

“Neftçi”nin təlim-məşq toplanışının ikinci mərhələsində keçirəcəyi ilk yoxlama matçının məkanı və başlanma saatı müəyyənləşib.
Korner.az xəbər verir ki, Sloveniyanın “Olimpiya” klubu ilə görüş “Kodeljevo Sport Ljubljana” stadionunda keçiriləcək və iyunun 21-i Bakı vaxtı ilə saat 20:00-da start götürəcək. Oyun “Neftçi TV” vasitəsilə canlı yayımlanacaq.
Sloveniyanın Kranyska Qora bölgəsində yerləşən “Ramada Hotel & Suites”də məskunlaşan komanda toplanış zamanı daha 2 yoxlama oyunu keçirəcək. İyunun 25-də baş tutacaq görüşdəki rəqib hələ ki müəyyənləşməyib. Sonuncu sınaq matçı isə ayın 29-da Moskva “Spartak”ına qarşı olacaq.
