Futbol

“Neftçi”nin yeni transferi haqda hər şey ilk olaraq bizdə

03.07.2012 , 15:56

Ölkəmizi Çempionlar Liqasında təmsil edəcək "Neftçi" Paraqvay millisinin futbolçusu Erik Fabian Ramosu heyətinə qatıb. Korner.az-ın məlumatına görə, ampulaca dayaq yarımmüdafiəçisi olan Ramosun boyu 1.75 sm.di. 28 yaşlı futbolçunun son iş yeri ölkəsinin "Rubio Nu" klubu olub. Son 3 ildə bu klubun formasını geyinən "Neftçi"nin yeni transferi son mövsümdə 19 dəfə meydana çıxıb. 

Komandasının heyətində 1681 dəqiqə meydanda olan futbolçu cəmi bir dəfə ikinci sarı vərəqə alaraq meydandan qovulub. Lakin maraqlısı budur ki, Erik Fabian Ramos Paraqvay millisinin formasını geyinməyinə baxmayaraq "Neftçi"yə düşüş dövründə transfer olundu. Belə ki, çıxış etdiyi "Rubio Nu" klubunun heyətində 2010-cu ildə 40, 2011-ci ildə 39 və sonuncu mövsümdə cəmi 17 dəfə meydana çıxmaq şansı əldə edib. Əvvəlki iki ildə 2 dəfə qol vurmağı bacaran futbolçu son mövsümdə fərqlənə bilməyib.

"Neftçi"nin yeni transferi təkcə futbol oynamaqla kifayətlənmir. Erik Fabian bir neçə geyim şirkətlərinin geyimlərini də reklam edib.

Sonda onuda qeyd edək ki, Erik Fabian Ramos "Neftçi"də 15 nömrəli formanı geyəcək.

 

Son yazılar

Yuxarı