Yeni mövsümə hazırlıqlarını davam etdirən "Rəvan” bu gün 3 futbolçu ilə münasibətlərini rəsmiləşdirdi.
Korner.az-ın klubun rəsmi saytına istinadən verdiyi məlumata görə, "sarı-qırmızılılar" Kamil Nurəhmədov, Elnur Abdulov və İvan Pexa ilə müqavilə bağladı. Kamil və İvan qarşıdakı 1, Elnur isə 2 mövsümdə "aslan” olacaq. Nurəhmədov və Pexa müvafiq olaraq 2Neftçi" və "Xəzər Lənkəran"ın şərəfini qoruyublar.
Qeyd edək ki, daha öncə komanda Sloveniya toplanışına yollanana qədər 5 futbolçunun keçidini rəsmən həll etmişdi. Bunlar Elvin Həsənəliyev, Ceyhun Cavadov, Fuad Əhmədov, Novruz Məmmədov və Bəxtiyar Soltanov idi.
