“Neftçi”nin Mətbuat xidmətinin rəhbəri Gündüz Abbaszadə Braziliyanın “Korintians” klubunun sağ cinah oyunçusu Alessandro Mori Nunesin “ağ-qaralar”la anlaşması xəbərinə münasibət bildirib. Klub rəsmisi Korner.az-a açıqlamasında bir neçə futbolçu ilə danışıqların aparıldığını desə də, onların arasında Nunesin olmasını təkzib edib: “Bəli, Neftçinin transfer etmək istədiyi futbolçular var. Alessandro Mori Nunesin adını isə ilk dəfə mətbuatdan eşitmişəm. Onların adları hər şey dəqiqləşəndən sonra açıqlanacaq”.
