“Neftçi”nin qış hazırlıq planı müəyyənləşdi
30.11.2019 , 16:01
“Neftçi”nin qış fasiləsindəki hazırlıq planı müəyyənləşib.
Korner.az xəbər verir ki, yanvarın 7-də Bakıda bir araya gələcək komanda ayın 8-dən 10-dək fiziki testlər verəcək.
Yanvarın 11-dən 25-dək Türkiyənin Antalya şəhərində təlim-məşq toplanışı keçirəcək “ağ-qaralar” Manavqat bölgəsində məskunlaşacaq.
“Neftçi” qardaş ölkədə 3 yoxlama görüşü keçirməyi planlaşdırır. Oyunlar yanvarın 15-i, 20-si və 24-ü baş tutacaq. İlk rəqib Polşanın “LKS Lodz” klubu olacaq. Digər rəqiblər haqda daha sonra ətraflı məlumat veriləcək.
