"Qarabağ" "Neftçi"ylə oyunun hazırlıqlarını davam etdirir. Azərbaycan derbisində tərəflər sabahkı görüşü də nəzərə alsaq, daha 4 dəfə qarşılaşmalıdırlar (kubokun yarımfinal görüşləri).
Korner.az-ın məlumatına görə, çempionatlar tarixində ən çox üz-üzə gələn komandaların son 2 qarşılaşması olduqca maraqlı faktlarla müşayət olunur. Avqustun 11-də baş tutmuş II, həm də dekabrın 2-də reallaşan XV turda "Qarabağ" 1:0-lıq qələbələr qazanıb.
Maraqlıdı ki, təsnifat mərhələsində Ağdam klubu "Neftçi"ylə yanaşı, sadəcə "Sumqayıt"a hər 2 oyunda qalib gəlib (6:1 və 3:0). Üstəlik, komanda bütün komandalardan xal ala bilib.
"Ağ-qara"lar isə sadəcə "Qarabağ"dan xal ala bilməyib. Əvəzində bakılılar AZAL, "Turan", "Kəpəz", "Simurq"u hər 2 oyunda məğlub edib.
