"Məncə "Neftçi" növbəti mərhələyə keçməlidir. Düzdü, "Zestafoni" zəif komanda deyil. Lakin "Neftçi"nin gücü ona yetər".
Bu sözləri Korner.az-a açıqlamasında AZAL-ın sabiq baş məşqçisi Elxan Abdullayev deyib. "Zestafoni" klubunun ötən il Avropa Liqasındakı uğurlu çıxışını misal göstərən Abdullayev, rəqibə hörmətlə yanaşmaq lazım olduğunu da vurğulayıb:
"Kimliyindən asılı olmayaraq istənilən rəqibə hörmətlə yanaşmaq lazımdır. Lakin mən inanıram ki "Neftçi" Gürcüstan təmsilçisindən güclü olacaq. Çünki "Neftçi"yə layiq olan rəqibdir. Püşkatma uğurlu keçdi. Sadəcə hazırlaşmaq lazımdı".
Ötənilki rəqib "Dinamo"yla (Zaqreb) Gürcüstan təmsilçisini də müqayisə edən mütəxəssis bunları deyib: "Dinamo" ilə "Zestafoni"ni müqayisə etmək olmaz axı. Xorvatlar, əlbəttə ki, qat-qat güclüdülər".
