Gürcüstanlı müdafiəçi Valeri Abramidze klubun rəsmi saytına müsahibəsində AZAL ilə oyundan danışdı, “Neftçi” ilə matçın başqa günə dəyişdirilməsinə münasibətini açıqladı və “Rəvan”la keçiriləcək matç barədə fikirlərini bölüşdü. Korner.az həmin müsahibəni sizə təqdim edir.
-AZAL ilə baş tutmuş oyun barədə nə deyə bilərdiniz? İkinci hissədə komandamız bir neçə təhlükəli vəziyyət yaratdı, lakin nominal ev sahiblərinə qol vurmaq mümkün olmadı.
-Deyim ki, hava şəraiti və otörtüyünün vəziyyəti hər iki komandaya öz oyununu nümayiş etdirməyə imkan vermədi. Hesab edirəm ki, ümumilikdə nəticə qanunauyğundur. Bəli, ikinci hissədə biz yaxşı oynadıq, ancaq bununla belə, qol vura bilmədik. Biz AZAL-ın əks-hücumlarda oynamaq bacarığından məlumatımız vardı və düşünürəm ki, rəqibin hücum potensialını neytrallaşdırmaq bizə müyəssər oldu.
– Hazırda komanda “Neftçi” ilə oyuna hazırlaşırdı, lakin matçı başqa günə keçirdilər…
– Bəli, biz “Neftçi” ilə qarşılaşmaya hazırlaşırdıq, ancaq oyunu başqa tarixə keçirdilər. Bu, bir tərəfdən yaxşıdı. Axı oradakı meydançada öz oyununu nümayiş etdirmək çətindi.
– “İnter” üçün doğma “Şəfa” stadionunda artıq yenidənqurma işləri başa çatdı. Yenilənmiş stadion necə təsir bağışlayır?
– Stadion yaxşı mənada dəyişib. İndiki görünüşü mənə çox xoş təsir bağışlayır. Yenidənqurma işləri stadionun ancaq xeyrinə olub.
– Bu il Premyer Liqada rəqabət hissediləcək dərəcədə güclənib. Hər bir komanda digər komandanı məğlub etmək iqtidarındadır. Yəqin bu fikirlə razılaşırsınız…
– Çempionatda oynamaq həmişə çətindir. “Neftçi”nin Avropa Liqasının qrup mərhələsinə çıxması çempionatın tərəqqisindən xəbər verir. Buraya səviyyəli legionerlər gəlməyə başlayıblar, bir çox yaxşı futbolçular burada oynamaq istərdilər.
– “İnter”in növbəti rəqibi “Rəvan” komandası olacaq. Bu komanda barədə nə deyə bilərdiniz? Və “İnter” bu qarşılaşmada nəyə arxalana bilər?
– Biz həmişə meydana yalnız qələbə üçün çıxırıq. Və bu planda “Rəvan”la matç da istisna deyil. Lakin bu komandaya haqq qazandırmaq lazımdır, onlar çox keyfiyyətli futbol oynayırlar. Bu komanda özünü incitməyə imkan vermir.
