“Neftçi”dən “Araz-Naxçıvan”a
31.07.2024 , 13:24
Ötən mövsüm “Neftçi”nin heyətində çıxış edən futzalçı Ülvi Əliyev “Araz-Naxçıvan”a keçib.
Korner.az xəbər verir ki, bu barədə Azərbaycan Futzal Federasiyası məlumat yayıb. 25 yaşlı futzalçı yeni mövsümdə ölkə çempionunun uğurları üçün çalışacaq.
Artıq “qırmızı-ağlar”ın təlim-məşq toplanışına qoşulan Ü. Əliyev debütünü gələn ay keçiriləcək UEFA Çempionlar Liqasının ilkin mərhələ oyunlarında edəcək.
Onu da qeyd edək ki, futzalçı Azərbaycan millisinə məhz Vitali Borisovun rəhbərliyi dövründə dəvət olunub.
Xatırladaq ki, daha əvvəl “Araz-Naxçıvan” Azərbaycan millisinin digər bir üzvü İlham Alıyevi transfer edib.
