“Neftçi”dən ayrılıb, “Dinamo”ya keçdi – rəsmi
16.07.2019 , 10:15
“Neftçi” futbolçu Kvame Karikari ilə müqaviləyə qarşılıqlı razılaşma əsasında xitam verib.
Korner.az xəbər verir ki, bu barədə klubun rəsmi saytı məlumat yayıb. Artıq futbolçunun yeni komandası da bəllidir. O, Tbilisi “Dinamo”suna keçib. Gürcüstan klubunun rəsmi saytı Karikari ilə 1+1 illik müqavilə imzalandığını açıqlayıb.
2017/2018-ci illər mövsümündə “Neftçi”nin heyətində 10 oyunda 2 qol vurmuş 27 yaşlı qanalı hücumçu son mövsümü icarə əsasında BƏƏ-nin “Əl Oruba” klubunda keçirib.
Xatırladaq ki, “Neftçi” yay fasiləsində Ruslan Abışov, Məhəmməd Mirzəbəyov, Mirabdulla Abbasov, Fəhmin Muradbəyli, Qoran Paratski, Petru Raku və Canluka Sansone ilə də vidalaşıb.
