“Neftçi”də yeni təyinat
01.08.2024 , 16:16
“Neftçi” PFK-nın mətbuat katibi vəzifəsinə yeni təyinat olub.
Korner.az xəbər verir ki, bu vəzifəni Asəf Zeynallı icra edəcək. Məlumatı klubun mətbuat xidməti yayıb.
Qeyd edək ki, 2010-cu ildən müxtəlif mətbuat orqanlarında idman müxbiri kimi fəaliyyət göstərmiş Asəf Zeynallı 2017-ci ildən “CBC Sport” telekanalında Xəbərlər Departamentinin şef-redaktoru vəzifəsində çalışıb.
2023-cü ilin oktyabrından 2024-cü ilin iyulunadək “Qəbələ” İdman Klubunda Media və Marketinq Departamentinin rəhbəri olub.
