“Neftçi”dən yeni transfer
18.07.2023 , 23:49
“Neftçi” yeni transferini həyata keçirib.
Korner.az xəbər verir ki, komanda braziliyalı futbolçu Yuri Matiasla 2 illik müqavilə imzalayıb. Bu barədə klubun rəsmi saytında məlumat verilib.
28 yaşlı mərkəz müdafiəçisi “ağ-qaralar”ın heyətində 44 nömrəli formanı geyinəcək.
Yuri Matias Braziliyanın “Amerika” (2014-2016), Portuqaliyanın “Akademika” (2016-2020), Təbrizin “Traktor” (2020), Rumıniyanın “Qaz Metan Mediaş” (2020-2022) və “ÇFR Kluj” (2022-2023) klublarında çıxış edib. O, 2021/2022 mövsümündə “ÇFR Kluj”la Rumıniya çempionu olub.
